Një banesë është përfshirë nga flakët mesditën e kësaj të mërkure në fshatin Domen, njësia administrative Postribë, në Bashkinë Shkodër.
Sipas informacioneve paraprake, në momentin e rënies së zjarrit brenda banesës dyshohet se ndodheshin një grua dhe dy fëmijët e saj.
Ndërhyrja e shërbimit zjarrfikës është vështirësuar për shkak të terrenit të thyer. Banesa ndodhet në një zonë të thellë malore, rreth 30 minuta në këmbë larg rrugës automobilistike. Kur forcat zjarrfikëse kanë mbërritur në vendngjarje, objekti ishte pothuajse i shkrumbuar.
Në vendngjarje vijojnë operacionet e shërbimeve zjarrfikëse dhe të emergjencës për të verifikuar situatën. Sipas të dhënave paraprake, dyshohet për viktima, por deri në këto momente nuk ka një konfirmim zyrtar nga autoritetet.
/vizionplus.tv
