Pushimet u kthyen në tragjedi! Nëna dhe dy fëmijët humbën jetën pak ditë pasi u kthyen nga Gjermania, ja çfarë u gjet në banesë

Detaje të reja janë zbardhur nga ngjarja tragjike e ndodhur në Postribë, ku një zjarr i mori jetën një 24-vjeçareje dhe dy fëmijëve të saj.

Vizion Plus mëson se në vendin e ngjarjes janë gjetur një bombol gazi dhe një shishe me benzinë, ndërsa dyshohet se gjatë përhapjes së flakëve kanë ndodhur edhe shpërthime brenda banesës.

Lexo edhe :

Related Posts

Zjarri në banesë, policia për tragjedinë në Shkodër: Humb jetën nëna 24-vjeçare dhe dy fëmijët e saj

Viktimat janë identifikuar si Bleona Çelaj, 24 vjeçe, dhe dy fëmijët e saj, të moshës 1 dhe 4 vjeç. Mësohet se familja ishte kthyer së fundmi nga Gjermania dhe kishte shkuar në shtëpinë e vjetër familjare në fshatin Domen.

Ndërhyrja e forcave zjarrfikëse u përball me vështirësi për shkak të terrenit të vështirë, pasi banesa ndodhej rreth 30 minuta larg rrugës kryesore në këmbë.

Ndërkohë, grupi hetimor vijon punën për të zbardhur rrethanat dhe shkakun e zjarrit. Deri në këtë fazë, pista kryesore mbetet ajo e një zjarri aksidental.

/vizionplus.tv