Reperi amerikan Sean “Diddy” Combs është përfshirë në një përleshje me një të burgosur tjetër në burgun federal të New Jersey-t, ku po vuan dënimin e tij. Sipas raportimit të TMZ, incidenti ndodhi këtë javë pasi një i burgosur e ofendoi reperin, çka çoi në një përballje mes tyre.
Pas ngjarjes, autoritetet e burgut e dërguan menjëherë Diddy-n në izolim disiplinor. Ende nuk është bërë e ditur nëse ai vazhdon të mbahet në izolim, ndërsa rrethanat e plota të incidentit nuk janë sqaruar.
Sipas të njëjtit raport, reperi mund të përballet me pasoja të tjera disiplinore nëse hetimi i autoriteteve konkludon se ai mban përgjegjësi për përleshjen.
Diddy Involved in Prison Fight, Tossed in Solitary Confinement https://t.co/tocvgFZYMC
— TMZ (@TMZ) July 24, 2026
Diddy po vuan një dënim me burg prej më shumë se katër vitesh për dy vepra penale që lidhen me prostitucionin. Ai pritet të lirohet në shkurt të vitit 2028, me kusht që të ruajë sjellje të mirë gjatë qëndrimit në burg.
Nëse autoritetet vendosin se ai ka shkelur rregullat e institucionit me përfshirjen në këtë incident, ekziston mundësia që periudha e vuajtjes së dënimit të zgjatet.
/vizionplus.tv
