Policia e Elbasanit finalizoi operacionin e koduar “Arsenali”, ndërsa nga kontrollet ne banesën e te arrestuarit u gjeten një kallashnikov, dhjetëra granata, kallëpe tritoli dhe mijëra fishekë. Pas njoftimit te marrë për dhunë në familje, policia arrestoi Ismail Hykën, 50 vjeç, banues në fshatin Karakullak të Elbasanit, ndërsa u zbulua edhe arsenali i armëve. Si prove materiale, policia sekuestroi 500 fishekë pistolete, 3000 fishekë automatiku, 3 granata dore ofensive, 20 granata dore defensive si dhe 23 ndezës metalikë. Ndërkohe u gjeten edhe 8 kallëpe tritoli e 1 kapsollë plasëse me fitil.
