Gazetari Denis Minga, ndërsa ka analizuar përplasjet brenda PS-së mes Ramës dhe Spiropalit në studion e “Quo Vadis” të moderatores Pranvera Borakaj në Vizion Plus, tha se nëse bën një veprim të tillë duhet të kesh mbështetje.
Sipas tij, nëse Spiropali nuk ka mbështetje nga grupi parlamentar për këtë që po bën, atëherë këto veprime do të harrohen shumë shpejt.
Pjesë nga biseda:
Borakaj: Luftë reale?
Minga: Kur Rama tha “e ke tepruar dy herë, të tretën do përjashtohesh”, nuk mendova se do reagonte.
Borakaj: Duhet ta përjashtojë Rama tani?
Minga: Kjo është sfidë për Ramën. Por “de facto” Spiropali mund të përjashtohet.
Mema: E vetëpërjashtuar si Salianji?
Minga: Në fakt, ajo prej muajsh është në një vijë bashkë me Braçen.
Mema: Braçe ashtu ka qëndruar gjithmonë.
Minga: I kthehemi asaj se çfarë ndodhi: Spiropali sfidoi Ramën. Ai i tha “unë të përjashtoj”, ajo tha “po, më përjashto”. Që të ndërmarrësh një hap të tillë do të thotë që të kesh një grup që të mbështet.
Borakaj: E ka zonja Spiropali këtë?
Minga: Mendoj se e ka; nëse jo, është një veprim që do të harrohet shpejt.
Borakaj: A ka zonja Spiropali indicie se mund të jetë ajo pasuese e Ramës në PS?
Minga: Këtë e shoh të vështirë. Nëse Rama ikën, aty do të ketë një luftë të fortë. Vetë Rama e ka lënë të kuptohet se nuk ka një numër 2 në PS.
