Një sulm i ri ajror izraelit ndaj një shtëpie në qytetin jugor të Jebchit ka vrarë katër anëtarë të një familjeje, përfshirë një fëmijë, raporton Agjencia Kombëtare e Lajmeve e Libanit (NNA).
NNA tha se një sulm izraelit goditi një shtëpi tjetër në qytetin Toul, duke vrarë një person dhe duke plagosur dy.
Viktimat e raportuara i shtohen numrit të mëparshëm të të vdekurve prej nëntë personash të vrarë në sulmet e mëparshme izraelite në Libanin jugor, pavarësisht një armëpushimi të shpallur.
Disa ditë më parë, presidenti i Shteteve të Bashkuara, Donald Trump, ka njoftuar se armëpushimi mes Izraelit dhe Libanit është zgjatur edhe për tri javë të tjera. Por, me gjithë armëpushimin, dhuna përgjatë kufirit Izrael–Liban ka vazhduar.
Hezbollahu, i mbështetur nga Irani, është grup militant dhe parti politike njëkohësisht, dhe kontrollon pjesën më të madhe të Libanit jugor. Ai konsiderohet organizatë terroriste nga Shtetet e Bashkuara, ndërsa Bashkimi Evropian e ka futur në listë të zezë vetëm krahun e tij të armatosur.
Qeveria e Libanit nuk është pjesëmarrëse aktive në konflikt dhe është zotuar se do ta çarmatosë Hezbollahun.
