Fatbardh Kadilli u shpreh në emisionin “Quo Vadis” në “Vizion Plus” se ish-kryeministri Sali Berisha duhet të ishte larguar që vitin 2013.
Ai e konsideroi një politikan të aftë, por jo të denjë e të ndershëm.
“Berisha është histori e mbyllur, duhet të kishte ikur vetë në 2013, por nuk iku. Ai është thjesht viktimë e kryetokracisë që krijoi vetë. Nuk mund të jetojë më politikisht. Është politikan i Zoti, por jo i mirë. Turp i zotit që e hoqën amerikanët. Mua më dhimbsen demokratët. Është mjerim politik që ta presësh shpëtimin e PD nga Sali Berisha.”
Nga ana tjetër, gazetari Mentor Kikia, duke komentuar situatën brenda selisë blu, vlerëson se Partia Demokratike rrezikon të falimentojë.
“Nuk ka njeri që nuk di gjënë me elementare, gjatë këtyre tetë viteve, Berisha dhe Basha kanë qenë një. Në momentin kur kjo bashkëjetesë u prish, filloi lufta për ta ndarë. Basha do tregohej lider nëse do të dilte e do të deklaronte që ‘është vendim i im dhe unë e mbroj”. Por, Basha, pasi e deklaroi, bëri gjithçka për të bindur demokratët, që unë nuk doja ta merrja, por më detyruan.”
