Një ngjarje e rëndë ka ndodhur në orët e para të mëngjesit në Ksamil, ku një shtetas francez rreth 20 vjeç është gjetur pa shenja jete në shezlongët e plazhit, para një lokali.
Sipas informacionit paraprak të Policisë, ngjarja është konstatuar rreth orës 05:15. I riu, i identifikuar me inicialet M. M., dyshohet se është goditur me një mjet prerës, thikë.
Lexo edhe :
Nga veprimet e para hetimore dyshohet se 20-vjeçari është përfshirë në një konflikt për motive të dobëta me shtetasin S. V., 29 vjeç, banues në Has, i cili dyshohet se e ka goditur me thikë dhe është larguar menjëherë pas ngjarjes.
Shërbimet e Policisë kanë nisur kontrollet në zonë për lokalizimin dhe kapjen e autorit të dyshuar.
Në vendngjarje ndodhet Grupi hetimor, i cili, nën drejtimin e Prokurorisë, po vijon punën për zbardhjen e plotë të rrethanave të ngjarjes dhe dokumentimin ligjor të saj.
*Policia e Sarandës ka reaguar disa orë pas ngjarjes, duke sqaruar se bëhet fjalë për një shtetas portugez dhe jo francez.
