VIDEO/ Momente tmerri për nxënësit në gjimnazin në Filipine, shoku i tyre hap zjarr në shkollë, dy të vdekur dhe disa të plagosur
Një nxënës humbi jetën nga të shtënat brenda një shkolle të mesme katolike në Filipine, ndërsa autori i dyshuar i sulmit vrau veten, njoftuan autoritetet. Ngjarja ndodhi në ambientet e universitetit privat Ateneo në Zamboanga, në Mindanao-n perëndimore.
Sipas policisë, nxënësi kishte hyrë në institucion i armatosur me një pistoletë dhe një pushkë dhe kishte qëlluar brenda disa klasave. Përveç viktimës, të paktën dy nxënës të tjerë raportohet se janë plagosur. Autoritetet kanë nisur hetimet për të përcaktuar motivin e sulmit.
Pamjet e publikuara nga mediat lokale tregojnë momentet e panikut në shkollë. Në video shihet tyta e armës ndërsa autori lëviz në korridor dhe më pas hyn në një klasë, ku hap zjarr. Nxënësit me uniforma shkollore shihen duke bërtitur dhe duke vrapuar drejt daljeve.
#Philippines ????????: A student carried out a shooting attack at a high school in the city of #Zamboanga. Two students, including the attacker, killed.
ReklamëPerpetrator seemingly used at least one Glock pistol with Recover Tactical P-IX Modular AR Platform and Aimpoint sight (which was… pic.twitter.com/LhSUXQXInT
— War Noir (@war_noir) August 18, 2026
Kryebashkiaku i Zamboangës, John Dalipe, tha se nga të dhënat paraprake autori fillimisht kishte qëlluar drejt një mësuesi, por kishte humbur shenjën. Më pas ai kishte hyrë në një tjetër klasë, ku kishte qëlluar një nxënës.
Institucioni arsimor konfirmoi dy viktima dhe bëri të ditur se vetëm një muaj më parë kishte zhvilluar një stërvitje për përballimin e një sulmi me person të armatosur. Ky është incidenti i dytë i rëndë i këtij lloji në një institucion arsimor në Filipine brenda pak muajsh.
Në qershor, tre adoleshentë u vranë dhe rreth 20 të tjerë u plagosën nga të shtënat në një institucion arsimor në provincën e Leytes. Edhe pse posedimi i armëve kontrollohet rreptësisht në Filipine, autoritetet përballen me një treg të zi të armëve.
/vizionplus.tv
