Gjatë ditës së martë, vendi ynë do të vijojë të jetë nën ndikimin e kushteve relativisht të paqëndrueshme atmosferike. Moti parashikohet kryesisht me vranësira mesatare deri të dendura, ndërsa në orët e para të ditës nuk do të mungojnë intervalet me kthjellime.
Nga mesdita deri në orët e pasdites së vonë, vranësirat do të shoqërohen me reshje shiu të herëpashershme dhe me intensitet të ulët në pjesën më të madhe të territorit.
Në zonat veriore, reshjet mund të jenë më intensive në periudha të shkurtra, duke marrë formën e shtrëngatave të shoqëruara me shkarkesa elektrike. Nuk përjashtohet mundësia për breshër në mënyrë të izoluar.
Era do të fryjë nga drejtimi veriperëndim–jugperëndim, me shpejtësi mesatare 4–7 m/s.
Deti do të ketë valëzim të forcës 1–2 ballë.
