Policia ka arrestuar autorin e vrasjes së 20 vjeçarit francez Miguel Mendes.
Sokrat Vata u vu në pranga nga pikat e kontrollit që ishin ngritur në Levan.
Burime bëjnë me dije se Vata ishte futur në bagazhin e një makine.
Ngjarja e rëndë u regjistrua mëngjesin e kësaj të marte, ku Vata, i cili punonte si roje plazhi ka goditur me thikë 20 vjeçarin francez.
Sipas burimeve nga mjeku që e pa trupin në morgun e Sarandës, mësojmë se 20-vjeçari kishte disa goditje me thikë në shpinë dhe në kraharor. Vdekja e tij ka qenë e menjëhershme.
Shkaku i ngjarjes dyshohet për një vajzë.
20-vjeçari francez ndodhej në Ksamil së bashku me një grup francezësh të ardhur për turizëm në Ksamil.
