Ministri i Strehimit i Kolumbisë, Jaime Andrés Beltrán, është përballur me kritika të forta pasi u fotografua në një plazh në Santa Marta, së bashku me familjen e tij, vetëm pak ditë pas tërmetit shkatërrues që goditi vendin më 10 gusht. Tërmeti me magnitudë 7,4 shkaktoi afro 300 viktima dhe la mijëra banorë pa shtëpi.
Fotot dhe videot e ministrit në plazh u përhapën gjerësisht në rrjetet sociale gjatë fundjavës. Opozita e majtë ka paralajmëruar një mocion mosbesimi ndaj tij, duke e akuzuar për neglizhencë në një moment kur mijëra familje të prekura kanë nevojë urgjente për ndihmë dhe strehim.
Beltrán i ka kundërshtuar akuzat, duke deklaruar se nuk kishte shkuar me pushime, por kishte kaluar disa orë me bashkëshorten dhe fëmijët, të cilët nuk i kishte parë prej ditësh. Sipas tij, ai u kthye menjëherë në punë për t’u marrë me situatën pas tërmetit.
Si con este relajo maneja un terremoto que pasa cada 20 años, no me imagino el día a día del Ministro de Vivienda, Jaime Andrés Beltran. pic.twitter.com/shvqbpQJPF
— Juliana Vásquez (@julianavasquez) August 18, 2026
Fatkeqësia ka shkaktuar dëme të mëdha materiale. Rreth 27 mijë banesa janë dëmtuar pjesërisht ose janë shkatërruar plotësisht, ndërsa parqet dhe rrugët në qytete si Cali dhe Pereira janë kthyer në kampe të improvizuara për të pastrehët.
Presidenti Abelardo de la Espriella, i cili mori detyrën më 7 gusht, ka vizituar disa nga zonat më të prekura dhe ka premtuar subvencione për familjet që të mund të sigurojnë banesa të reja. Ai ka vlerësuar paraprakisht dëmet nga tërmeti në rreth 30 trilionë pesos, ose afro 10 miliardë euro.
El ministro de vivienda—Jaime Andres Beltrán, el pastorecito mentiroso— de paseo en hotel de lujo mientras cientos de miles de colombianos duermen en la calle.
Cuatro años de infamia pic.twitter.com/di0TT29wZm
— Alex Quiñones .•. (@aqmoncaleanowtr) August 17, 2026
Edhe presidenti është kritikuar gjatë vizitës në Chocó, zona më e varfër e vendit dhe pranë epiqendrës së tërmetit. Në një moment, ai u pa duke hedhur topa futbolli me sloganin e fushatës së tij nga makina e blinduar, ndërsa banorët e prekur përballen me mungesa të mëdha dhe nevojë urgjente për ndihmë.\
/vizionplus.tv
