Ndryshime të mëdha kanë pasur në radhët e uniformave blu, pas emërimit të Skendër Hitës në krye të Policisë së Shtetit.
Burime për Vizion Plus bëjnë me dije se Hita ka larguar si shef të Komisariatit të Rrugores në Tiranë Neritan Buzin, duke e transferuar në Pukë. Në vend të Neritan Buzit është komanduar Luis Zeqaj.
Po ashtu, edhe komandanti i trafikut në Tiranë, Joan Trungu, është transferuar, duke u emëruar shef i “Shigjetave” në Tiranë.
Ndërkohë, Hita ka transferuar edhe shefin e krimit ekonomik në Policinë e Tiranës, Kreshnik Alimadhin, duke e dërguar në Lezhë si shef seksioni. Në vend të Alimadhit, me firmën e Hitës është emëruar Artenis Merkaj.
