Më 6 dhjetor, me urdhër të SPAK, Granit Gjana, i cili mbante postin e Prefektit të Kukësit u pezullua me urdhër të SPAK.
Postin e Gjanës e ka marrë Agron Geca. Ceremonia e emërimit të Prefektit të ri u zhvillua ditën e sotme, më 12 dhjetor në ambientet e Prefekturës.
Lexo edhe :
Related Posts
Në ceremoni morën pjesë zëvendës ministri Besfort Lamallari, deputeti Pandeli Majko, zyrtarë të këtij institucioni, drejtues të zgjedhur të pushtetit vendor, si dhe përfaqësues të agjencive ligjzbatuese në qark.
Zvministri i Brendshëm, Besfort Lamallari uroi Prefektin e ri për emërimin dhe shprehu bindjen e plotë se Geca do të kryejë këtë detyrë në shërbim të qytetarëve dhe ligjit.
Prefekti i ri, Agron Geca u shpreh se emërimi në këtë post është përgjegjësi dhe do të bëjë më të mirën në shërbim të qytetarëve.
Pas një hetimi të thelluar SPAK zbuloi se Gjana ka kryer veprën penale të shklejes së barazisë ne tenderat për blerje karburanti gjatë kohës që mbante postin e zëvendës kryetarit të Bashkisë së Kukësit.
Granit Gjana, sipas Prokurorisë, ka penguar një kompani që të merrte pjesë në 2 tendera për “blerje karburanti” në vlerën 21 milionë lekë.
Gjana mori postin e prefektit të Kukësit në shtator të këtij viti, pas lirimit nga detyra të Albert Halilajt, i cili kandidoi nën siglën e Partisë Socialiste për kryetar të Bashkisë Kukës në zgjedhjet e 24 shtatorit./vizionplus.tv
