Kur shkatërrimi përfundimtar i kampit te emigranteve ne Kale te Francës po afron, pjese te tij jane përfshire nga flaket gjate natës. Duket se ky ka qene nje veprimi i fundit ne shenje proteste e dëshpërimi nga ana e emigranteve qe kane mbetur aty, duke refuzuar transferimin. Gjithashtu raportohet te ketë patur edhe nje shpërthim i nje bombole gazi, ndërsa nje emigrant ka mbetur i plagosur si pasoje e flakëve. Ne fillim te kësaj jave, autoritetet franceze nisen zbrazjen e kampit te njohur si “xhungla”. 4 nga 7 mije emigrantet qe qëndronin aty prej muajsh janë dërguar ne kampe te tjera, te shpërndare ne gjithë Francën. Por shume te tjere nuk kane pranuar te largohen dhe operacioni i forcave te sigurisë per prishjen e kampit po shoqërohet me prani te përforcuar te policisë per shkak te frikës per përleshje te reja me emigrantet. Autoritetet planifikojnë zbrazjen përfundimtare te kampit te Kalese brenda kësaj jave.
Francë, emigrantët ndezin “xhunglën”
