Të gjendur në çdo cep të qytetit, me dorën zgjatur duke kërkuar lëmoshë, endacakët e rrugës, që shpesh janë të padukshëm në rrjedhën e kalimtarëve, kanë ngacmuar piktorin Gazmend Leka për t’i sjellë në një ekspozitë.
Me dëshirën për të qenë pranë kësaj shtrese të shoqërisë, por dhe për t’i integruar, artisti i paraqet këto personazhe në një tjetër dimension.
GAZMEND LEKA
PIKTOR
“Pasi mbarova ekspozitën “Kaloi një grua” vjet thash do bëj një cikël duke marrë këta personazhe dhe do i fus në sallë ekspozite, sepse ata nuk shkojnë hyjnë kurrë në salla të ekspozitash, as në kinema, as në opera, këta rrijnë aty në qoshet e rrugës. Kështu thash do ti sjell ata si një monumet, si personazhe e një drame të madhe sepse këtu është një tragjedi e madhe po ta mendos, se të arrij jeta jote në këtë pjesë është një zgribt ky është fundi.”
Nën ngjyrat e zbehta e të ftohta dhe me një panoramë, që shpesh të kujton poemat e mjerimit, ekspozita shërben si një reflektim mbi realitetin e përditshëm.
GAZMEND LEKA
PIKTOR
“Bëra një lidhje kësaj radhe mes tokës dhe qiellit, sepse njerëzit kur i ndodh një gjë kthejnë kohën nga qielli e thonë o Zot më ndihmo. Edhe ata që nuk besojnë në Zot. Dhe kur thonë o zot ata shohin yjet dhe i veshin epitete si engjëj njerëz që s’janë më. Por këtë herë yjet shfaqen indiferentë ndaj atyre që shohin poshtë.”
Ekspozita “Edhe yjet rrinë e vështrojnë” do të qëndrojë e hapur deri më datë 7 dhjetor në galerinë FAB.
