Nga hetimet për vrasjen e biznesmenit Demir Backa në Fier, rezulton se të përfshirë në atentat kanë qenë tre persona.
Ata kanë ndjekur lëvizjet e 57-vjeçarit deri mbrëmjen e të shtunës, ku e qëlluan me breshëri automatiku në automjetin e tij.
Nga ekzaminimi mjeko-ligjor i trupit të viktimës, është zbuluar se biznesmeni është qëlluar me 18 plumba, tre plumba ne zonën e qafës dhe kokës dhe rreth 15 të tjerë në kraharor.
Viktima e të shtunës ishte kusheri ( djali i xhaxhai) i Medi Backës, i vrarë në 1997 në Masakrën e Levanit, duke qenë anëtar i Bandës së Pusit të Mezinit.
Kjo e kaluar mund të jetë një nga pistat e ngjarjes së rëndë, sikurse po hetohet edhe pista tjetër e një konflikti që ky fis pati vitin e kaluar.