Një ngjarje e rëndë ka ndodhur këtë të hënë në Berat, ku një nënë 41 vjeçare i ka dhënë fund jetës duke u vetëvrarë.
Ngjarja ka ndodhur në fshatin Molisht të ish/komunës Sinjë, në rrethin e Beratit, ku shtetasja me iniciale M.F., nëna e 3 fëmijëve ka varur veten me litar në kasollen e barit, që ndodhej pak metra larg banesës së saj.
Informacionet bëjnë me dije se 41 vjeçarja para se të kryente aktin e vetëflijimit ka marrë në telefon policinë në numrin 129 dhe duke qarë u ka thënë që të kujdeseshin për fëmijët e saj.
Patrrullat e policisë, pas lokalizimit të telefonatës, janë nisur drejt banesës së familjes Filaj por e kanë gjetur gruan të vetëvarur në kasollen pranë shtëpisë. Ndërkohë nga rezultatet e para të hetimeve rezulton se viktima nuk kishte prbleme mendore por që dyshohet se është varfëria që e ka detyruar të marrë një vendim të tillë.
