402 djem e vazja të reja iu bashkuan radhëve të Policisë së Shtetit duket shënuar një moment ripërtëritjeje.
Në ceremoninë e diplomimit që u zhvillua në ambientet e Ministrisë së Brendshme, ministri Lleshaj, e cilësoi këtë moment si një nga më të rëndësishëmit në përmirësimin e nivelit profesional të uniformave blu.
“Kjo trupë shënon një hap tjetër të rëndësishëm për të përmirësuar nivelin profesional të policisë së shtetit. Policia jonë është ndër më të voglat në numër në rajon, ajo duhet të rritet edhe në sasi edhe në cilësi. Duhet të rritet dhe modernizohet dhe programi i qeverisë parashikon progres. Përvec profesionalizmit, kërkohet edhe trimëri, e nderë dhe moral i lartë. Do të hapim programe të reja për 600 të rinj dhe të reja për Akademinë e Policisë”
Oficerët e rinj do të operojnë në radhët e Policisë Krimianle dhe në atë të Patrullës së Përgjithshme.
Në ceremoni ishte I pranishëm edhe Drejtori i Përgjithshëm I Policisë, Ardi Veliu.
