Prokuroria e Krimeve të Rënda thirri për të dëshmuar, dy deputetët Enkelejd Alibeaj dhe Ervin Salianji si dhe ekspertin për çështjet ligjore, Gazmend Bardhi lidhur me audio përgjimin. Por ligjvënësit nuk u paraqiten për te dëshmuar ne organin e akuzës. Mësohet se ata i janë drejtuar me nje letër Prokurorisë, duke kërkuar t’i thërrasë në një ditë tjetër duke e argumentuar mos paraqitjen e tyre me mbajtjen e seancës plenare.
Zyrtarët e PD do pyeten lidhur me publikimin e audio përgjimit, i cili sipas demokrateve provon se vëllai i ministrit të brendshëm, Fatmir Xhafaj, bisedon me një trafikant droge për transportimin e një ngarkese me kanabis drejt Italisë. Agron Xhafaj kallëzoi për shpifje pranë Prokurorisë së Tiranës Alibeajn, Salianjin dhe Bardhin, duke theksuar se përgjimi eshte nje mashtrim i bere per te goditur vëllain e tij. Ndërkohe nje dite me pare, Agron Xhafaj njoftoi dorëzimin ne Itali për te vuajtur dënimin.
