Kuvendi do të votojë këtë të hënë ndryshimet kushtetuese të reflektuara në Kodin Zgjedhor, me të cilat do të shkohet në zgjedhjet parlamentare të 25 prillit.
Deputeti i opozitës parlamentare, Lefter Maliqi e konsideroi seancën e sotme parlamentare një “seancë turpi e pështirë e organizuar nga Rilindja”.
Sipas tij, mazhoranca frikësohet nga rezultati i zgjedhjeve, prandaj kërkon të miratojë ndryshimet në Kodin Zgjedhor.
Ndër të tjera, paralajmëroi se nëse PS del fituese në zgjedhjet e ardhshme, ai do të largohet përfundimisht nga politika.
“Sot është një seancë turpi, e pështirë e Rilindjes, me këtë po tregojnë frikën që kanë për zgjedhjet. Ku janë këta trima? Pse kanë frikë të ndryshojnë koalicionet, pse nuk duan të hapin listat? Këta kanë pushtetin në dorë. Ju sot po gënjeni dhe mashtroni të gjithë shqiptarët. Çfarë do që të bëni, ju nuk do të fitoni në zgjedhjet e ardhshme. Nëse nuk fiton e djathta e bashkuar në Berat, unë do të largohem përfundimisht nga politika”, tha Maliqi.
