Reshjet e dendura të breshërit që ranë gjatë natës kanë shkaktuar dëme të konsiderueshme në zonën e Zavalinës në Elbasan, duke prekur kryesisht pemishtet dhe kulturat e tjera bujqësore.
Fermerët e zonës shprehen se brenda pak minutash është shkatërruar puna e një viti, duke u shkaktuar humbje të konsiderueshme ekonomike.
Ata kërkojnë vlerësimin e menjëhershëm të dëmeve nga institucionet përkatëse, si dhe mbështetje për të përballuar pasojat e motit të keq.
Sipas banorëve, breshëri ka dëmtuar rëndë prodhimin bujqësor, ndërsa problematika të ngjashme janë raportuar edhe në zona të tjera të qarkut të Elbasanit gjatë ditëve të fundit.
