Seanca e sotme plenare ka vijuar me debate dhe tensione mes kreut të grupit parlamentar të PD Gazment Bardhi dhe kreut të Kuvendit Niko Peleshi.
Bardhi në fjalën e tij, ka hedhur akuza në drejtim të socialistëve se veprojnë me urdhra, duke mos zbatuar asnjë ligj dhe rregullore të Kushtetutës.
“Kuvendi ka degraduar në një shtojcë të pushtetit ekzekutiv. Shembullin e kishim në fillim të seancës ku nuk u paraqit në interpelancë për vendimmarrje të qeverisë. Detyrimet kushtetiese nuk delegohen, na e tha vetë kryeministri. Për ti dhënë llogari kuvendit, funksioni është i delegueshëm. Në këtë lëgjislaturë, as nuk duhet të mendoni, as të lexoni, duhet vetëm të votoni.
Pash para një jave që qeveria i raportonte qeverisë për integrimin. Sipas kushtetutës dhe ligjit, ka detyrim të raportojë në kuvend dhe ju kryetar keni shkelur ligjin dhe rregulloren.
Ju keni urrejtje ndaj opozitës. Ju doni të zeroni rolin e Kuvendit. Me ligj deputetët kanë të drejtë të kërkojnë informacione në të gjitha ministritë dhe këta të fundit kanë të drejtë të kthejnë përgjigje brenda 15 ditësh. Ministritë nuk kanë kthyer përgjigje për deputetët e opozitës.
Si kryetar iKuvendit duhet të thuash po ministrat kanë për detyrë të japin përgjigje deputetëve të opozitës”, tha Bardhi.
Por për kreun e Kuvendit, deklaratët e Bardhit nuk janë të vërteta.
“Asgjë nuk është e vërtetë. Lidhur me mocionin me debat, jam i hapur ta diskutojmë në Konferencë dhe ta fusim në rend dite. Lidhur me ccështjen pse një deputet shkon në takime me kryeministrin, nuk më takon mua të përgjigjem. Mua nëse më ftoni ju, do vija me kënaqësi”, tha Peleshi.
Bardhi iu kundërpërgjigj sërish Peleshit, duke i kujtuar nenin 18, pika 1 të Kushtetutës, ku thekson se në Kuvend duhet të raportohet çdo datë 31 janar të çdo viti për raportin dhe progreset që janë bërë për integrimin e vendit në BE. Një gjë e tillë, sipas Bardhit nuk ka ndodhur, dhe kjo shtoi ai ka qenë një urdhër./vizionplus.tv
