Vendi ynë do të vijojë të ndikohet edhe gjatë ditës së shtunë nga kushte atmosferike të qëndrueshme në të gjithë territorin.
Moti do të jetë i kthjellët, ndërsa temperaturat do të vijojnë të jenë të larta për këtë periudhë. Vlerat maksimale pritet të arrijnë deri në 37°C në Elbasan, Berat, Fier, Gjirokastër dhe Shkodër, ndërsa në pjesën më të madhe të qyteteve të tjera temperaturat do të shkojnë deri në 36°C.
Era do të fryjë nga verilindja në veriperëndim me shpejtësi mesatare rreth 4 m/s. Përgjatë vijës bregdetare dhe në zonat luginore, era pritet të fitojë intensitet, duke arritur deri në 8 m/s.
Në det do të ketë valëzim të forcës 1–2 ballë.
/vizionplus.tv
