Një aksident tragjik është shënuar mbrëmjen e 4 shtatorit në aksin rrugor “Cërrik-Elbasan”, ku një 31-vjeçar ka humbur jetën.
Ngjarja ka ndodhur rreth orës 23:30. Sipas informacionit paraprak të Policisë, shtetasi me inicialet M. K., 31 vjeç, dyshohet se ka humbur kontrollin mbi drejtimin e motomjetit me të cilin udhëtonte.
Për pasojë, motomjeti është përplasur me barrierën anësore të rrugës. Nga përplasja, 31-vjeçari ka humbur jetën në vendin e ngjarjes.
Grupi hetimor, nën drejtimin e Prokurorisë, vijon veprimet për zbardhjen e rrethanave dhe përcaktimin e shkakut të aksidentit, si dhe për dokumentimin ligjor të rastit.
