Ndërsa ende nuk ka asnjë reagim nga Koreja e Veriut në lidhje me takimin e paralajmëruar mes dy liderëve Trump dhe Kim Jong Un, drejtori i CIA-s, Mike Pompeo, ka garantuar se nuk do të ketë asnjë lëshim per Phenianin deri sa të zhvillohen negociatat.
Pompeo ka thënë se takimi mes dy liderëve nuk është vetëm për spektakël, por presidenti Trump i ka të qarta rreziqet e bisedimeve. Ato do të jene në funksion të zgjidhjes së problemeve mes dy vendeve.
Sipas drejtorit të CIA-s, Shtetet e Bashkuara presin që Koreja e Veriut të ndalojë të gjitha testimet raketore deri në kohën e mbajtjes së takimit. Ai ka thënë se vendi komunist duhet të tregohet i gatshëm për të diskutuar “denuklearizimin total.
Trump do të jetë presidenti i parë amerikan që takohet me liderin koreanoverior. Analistët janë skeptikë rreth asaj se çfarë mund të arrihet përmes bisedimeve duke pasur parasysh kompleksitetin e çështjeve.
Sipas raporteve të medias amerikane presidenti mori vendimin për të takuar liderin e vendit komunist pa u konsultuar me figurat kryesore në administratën e tij.
