Kryetari i partisë “Ka një popull të tillë”, njëherësh një ndër udheheqësit e koalicionit qeveritar në Bullgari, Slavi Trifunov, deklaroi se do të heqë veton për anëtarësimin e Maqedonisë së Veriut vetëm nëse Shtetet e Bashkuara do të heqin vizat për qytetarët bullgarë. Trifonov e ka bërë këtë deklaratë përmes një postimi në rrjetet sociale.

 

Ndërkohë, në një konferencë për shtypë, ministri i Punëve të Jashtme e Maqedonisë së Veriut, Bujar Osmani, tha se në fund të janarit pritet të ketë një takim mes zyrtarëve të Shkupit dhe Sofjes.

 

Osmani u ndal edhe të deklarata e kryministrit Edi Rama se do të kërkonte shkëputjen nga Maqedonia e Veriut në rrugën drejt BE-së nëse bllokimi vazhdon.

 

BUJAR OSMANI

MINISTER I PUNEVE TË JASHTME

“E kam dëgjuar fillimisht deklaratën dhe ai tha – do të pyesim qytetarët nëse mendojnë se nëse nuk tërhiqet vetoja bullgare për 6 muaj, nese Shqipëria duhet  të kërkojë shkëputje nga Maqedonia. Kjo do të thotë konsultim me qytetarët për atë çështje, jo vendim që Shqipëria do të kërkojë të vazhdojë më vete. Mendoj se me dinamikën rajonale do të fitojnë të dyja vendet, Shqipëria ka të drejtë të kërkojë një gjë të tillë sepse procesi është i tillë, formalisht individual.”

 

Sofja ka bllokuar shkupit në procesin e integrimit në Bashkimin Evropian pas mosmarrëveshjeve që kanë për historinë edhe gjuhën. Vetoja ka penalizuar edhe Tiranën zyrtare.

 

 

Leave a Reply

Your email address will not be published.