E mërkurë, 18 Nëntor 2026 Reklamo Kontakt Karriera
Vizion Plus
Bota

Netanyahu: Irani dhe Hezbollahu janë më të dobët se kurrë

Irani dhe Hezbollahu janë më të dobët se kurrë, ndërsa Izraeli është më i fortë se kurrë, tha Benjamin Netanyahu në një deklaratë të shkurtër, duke theksuar se “lufta e Izraelit kundër tyre nuk ka mbaruar ende”.

Kryeministri izraelit u shpreh se Teherani dhe Hezbollahu ishin përpjekur t’i impononin “një ekuacion të ri” Izraelit, duke e përshkruar një zhvillim të tillë si “të papranueshëm dhe të patolerueshëm”.

“Dua t’ju them se luftëtarët tanë heroikë po e shkatërrojnë Hezbollahun”, tha ai.

Ai tha gjithashtu se nëse ka sulme të mëtejshme kundër Izraelit nga Irani, atëherë qeveria e tij do të reagojë me forcë dhe do të ushtrojë të drejtën e vetëmbrojtjes.

Reklamë

Netanyahu pretendoi se forcat izraelite vazhdojnë të shkatërrojnë infrastrukturën e organizatës brenda zonës së sigurisë, duke përfshirë objektet e mëdha nëntokësore në malet Beaufort, në Libanin jugor.

“Ne vazhdojmë të shkatërrojmë të gjithë infrastrukturën e tyre terroriste në zonën e sigurisë, duke përfshirë objektet e mëdha nëntokësore në zonën Beaufort. Ato janë aq të mëdha sa nuk kam parë kurrë diçka të tillë më parë”, tha kryeministri izraelit.

Vazhdo të lexosh

Reklamë