Të paktën 20 persona janë shoqëruar në komisariatin e Lushnjes për atentatin mafioz të së hënës në mbrëmje vonë në qëndër të qytetit ku humbi jetën Bledar Muca, 33 vjec.
Ai u qëllua me bresheri kallashnikovi nga disa persona që leviznin me një mjet tip GOLF 5 ngjitur me lokalin e viktimes, bar “Pedonale”.
Bledar Muca, pronar i këtij lokali, ishte ulur në një tavoline buze rruge me kunatin e tij Judin Velo 32 vjec, I cili gjithashtu mbeti I plagosur, sikurse edhe 4 persona të tjerë që ishin kliente rastësore në lokal Ervis Tafa, 25 vjeç, Sara Liçi, 24 vjeçe, Eksara Cauli, 26 vjeçe, dhe Majlinda Gjyla, 66 vjeçe.
Pas atentatit, Bledar Muca humbi jeten rrugës për në spital pasi një nga plumbat e kishte prekur në zemër ndërsa 5 të plagosurit janë jashtë rrezikut.
Pak më vonë rreth orës 23:00 në fshatin Thanasaj, buzë lumit Shkumbin është gjetur e djegur makina e autoreve dhe brenda një armë kallashnikov me të cilët dyshohet se është kryer krimi i rëndë. Armës automatike mësohet se I ishin fshire numrat e serisë.
Bledar Muca 33 vjec, lindur dhe rritur në fshatin Dushk, në hyrje të qytetit të Lushnjes ishte martuar dhe kishte një fëmije me Suada Velon, motra e Judin Velos, I plagosur në këtë atentat mafioz.
Suada dhe Judin Velo janë mbesa dhe nipi i Roland Shytit, anëtar i organizates “Hakmarrja për Drejtësi”, që njihet ndryshe edhe me pseudonimin “mustaqekuqi”.
Viktima Bledar Muca njihej si person i qete, jo problematik apo i skeduar nga policia. Ne vitin 2007 ai pati nje konflikt per motive banale ne kohen kur ishte 19 vjec, por ajo ngjarje nuk ka lidhje me kete qe ndodhi tashme!
Nuk dihet nëse vrasja e tij ka lidhje me konkurencen ne bizneset që ai administronte ne qytet, apo është mesazh për “Hakmarrjen për Drejtësi”. Po kështu është e paqarte nëse realisht ka qënë ai objektiv i atentatit, apo Judin Velo, nipi i Roland Shytit.
Deri tani nuk ka asnjë pistë për autoret e mundshëm, të cilët kanë kryer një atentat brutal, sepse në orën 22:00 kur është sulmuar me armë Bledar Muca dhe kunati i tij, lokali në pronesi të viktimes ka qënë I mbushur plote me kliente, disa prej të cileve janë plagosur. Pa lënë mënjanë faktin që ajo zonë është pedonale dhe ka shumë qytetare që shetisin./ Vizion Plus
