Bitcoin ra ditën e sotme nën 10,000 dollarë për herë të parë që nga muaji Nëntor.
Vlera e një bitcoin u këmbye më 9,402 dollarë mesditën e së Mërkure ndërsa aktualisht ka fituar terren dhe këmbehet me 10,100 dollarë sipas CoinMarketCap.com.
Në Dhjetor Bitcoin kaloi vlerën e 20,000 dollarëve për herë të parë e që nga atëherë është në rënie të vazhdueshme.
Edhe monedhat e tjera kriptografike kanë humbur terren. Ethereum dhe Ripple ranë ndjeshëm pas raportimeve se Koreja e Jugut dhe Kina mund të ndalojnë tregimin e tyre.
“Aktualisht tregu është në panik. Njerëzit po përpiqen të shesin ç’të munden dhe të shpëtojnë nga kjo situatë,” tha themeluesi i Cryptocompare Charles Hayter.
Analistët e Citi thanë ditën e Mërkure se bitcoin mund të rikthehet në pozita të qëndrueshme pavarësisht kësaj rënie. Megjithatë me këtë ritëm rënie nuk hidhet poshtë mundësia që bitcoin të bjerë deri në 5,600 dollarë.
Hera e fundit që bitcoin humbiste gjysmën e vlerës ishte periudha Nëntor 2014 – Janar 2015.
Ethereum ra me 27% nën 900 dollarë ndërsa Ripple me 32% në 0.94 dollarë.
