Justin Bieber, në çdo moment, nëse nuk është duke e përndjekur një gazetar, e përndjekin fansat. Ai ka shumë adhurues të cilët e gjurmojnë dhe duan t’i marrin një autograph, e kjo gjë ndonjëherë nuk u pëlqen këngëtarëve. Ka disa të tjerë që nuk mjaftohen me një autograf, por preferojnë një foto dhe një situatë e tillë i ka ndodhur këngëtarit të popit, ditën e premte në Australi. Gjatë kohës që ai ishte duke hipur në makinë, një fanse i është afruar për të bërë një foto, por ky veprim e ka acaruar Justin-in, i cili i është drejtuar vajzës duke i thënë:
“Shikoje veten, ma shpife! Shikoni nivelin tuaj!”
Sabah Helal është 20 vjeçe dhe kishte orë të tëra që priste në radhë për të bërë një foto me këngëtarin e saj të preferuar dhe pas këtij reagimi vendosi që të mos shkonte më në asnjë koncert të Bieber.
Sigurisht kjo nuk është mënyra e duhur për të folur me njerëzit e këngëtari sapo ka humbur shumë pikë nga fansat e tij. Kjo nuk është hera e parë që Bieber shkakton një situatë të tillë, edhe pse shpjegimi pasues ka qenë se thjesht nuk ishte në humor.
