Ish-kryeministri Sali Berisha akuzoi qeverinë se po gënjen për sigurimin e vaksinës antiCOVID.

Me anë të një postimi në “Facebook”, Berisha tha se deri tani kryeministri Edi Rama dhe ministrja Ogerta Manastirliu nuk kanë firmosur asnjë marrëveshje për vaksinës.

Kjo sepse, sipas tij, ata kursejnë paratë sepse akoma nuk ka një vaksinë të sigurtë.

“Edvin Hajduti dhe Ndrikull Hajnia nuk kanë firmosur asnjë marrëveshje me asnjë kompani private, me asnjë asnjë shtet, madje as me OBSH për sigurimin në kohë të sasisë së nevojshme për vaksinimin masiv të popullatës kundër COVID-19. Ata mbajnë këtë qëndrim të papërgjegjshëm dhe nuk duan të bëjnë një parapagesë kapar kompanive private apo shtetërore të vendeve të ndryshme ndërkohë që në tërësi të gjitha vendet e kanë bërë një gjë të tillë. Ata nuk kanë firmosur deri sot asnjë marrëveshje me OBSH siç kanë bërë shumica dërrmuese e vendeve të botës për furnizmin e vendit nga kjo organizatë me sasinë e vaksinës antiCOVID që duhet për mbrojtjen e popullatës nga sëmundja. Të gjitha deklaratat e tyre të deri sotme për sigurimin e vaksinës janë vetëm mashtrime. Nga ky qëndrim shqiptarët do të jenë të fundit që do të mund të gëzojnë dhe vetëm pjesërisht për kontigjente të caktuara mbrojtjen nga vaksina.”

Shefja për sëmundjet infektive në ISHP, Silva Bino tha pak ditë më parë se Shqipëria është në bisedime me grupin COVAX  për sigurimin e vaksinës.

.

Leave a Reply

Your email address will not be published. Required fields are marked *