Kanë kaluar më shumë se 2 javë nga zjarri ne landfilin e qytetit të Krujës dhe ka akoma vatra zjarri që aktivizohen herë pas here.
E gjithë zona, sidomos në mëngjes është e mbuluar nga tymi që çlirohet nga djegia e këtyre mbeturinave.
Më i prekur nga kjo ndotje është qyteti i Krujës si dhe fshati Halil i këtij qyteti.
Akoma nuk ka njeri të shoqëruar apo të ndaluar për vënien e qëllimshëm të këtij zjarri nga ana e policisë.
Zjarrfikësja sipas banorëve vjen vetëm një herë në mëngjes dhe nuk duket më. Tymi i dendur në zonë ka krijuar tek ata një shqetësim të madh për shëndetin.
