Një i vrarë dhe një i plagosur është bilanci i një ngjarje të rëndë që ndodhi sot në një bar të njohur pranë Gjykatës së Tiranës.
Shtetasi Mexhit Picari ka vrarë ish-dhëndrin Kudret Saliaj me të cilin e bija ishte në proces divorci prej muajsh. Ndërkohë i plagosur ka mbetur dhe ish-prokurori i “21 janarit” Adriatik Cama, i cili ishte avokat i viktimës. Ky i fundit ishte ulur bashkë në lokal kur ka ndodhur krimi.
I ftuar në Spotlight nga Alban Dudushi, në Vizion Plus, gazetari Ermal Vija ka treguar se si qëndron e vërteta. Vija shpjegon se Dhurata Saliaj, ish-bashkëshortja e viktimës ka qenë e dënuar edhe më herët nga Gjykata e Shkallës së Parë pasi ushtronte dhunë në familje.
“Fillimisht kanë qenë familjarët e Kudret Saliaj të cilët kanë kallëzuar Dhurata Saliajn, kanë kallëzuar nusen e fmailjes për dhunë në familje dhe në fakt duhet thënë që Dhurata Saliaj është dënuar nga Gjykata e Shkallës së Parë për dhunë në familje dhe është dënuar me dy vite burg. Është dënuar për dhunë ndaj fëmijëve të saj dhe vjehrrës së saj. Ditën e sotme në fakt ka qenë seanca e pestë në Gjykatën e Tiranës, ku të dyja palët ishin në një seancë divorci, por ishin duke u shqyrtuar ehd ekërkesat në fakt teë Kudret Saliaj i cili kishte kërkuar që përveç divorcit, fëmijët të kalonin në kujdestarinë e tij për shkak se dhe gjatë gjithë kohës kanë qenë fëmijët ata të cilët kanë dhënë kallëzimet në Komisariat.”
Gjatë shpjegimit të rrjedhës së ngjarjes, Vija tregoi edhe se cili ishte deklarimi i autorit të vrasjes pas kryerjes së veprës penale.
“Vetë autori, Mexhiti, edhe në ditën e sotme në deklarimet që ka dhënë përballë grupit hetimor ka thënë që unë kam vendosur nderin në vend të familjes. Pasi ai nuk pranonte që vajza e tij të kishte këtë njollë.”
