Eksperti i turizmit, Riges Beqiri, e ka cilësuar të padëmshëm për imazhin e Shqipërisë aksionin për prishjen e ndërtimeve pa leje në Theth.
I ftuar në Quo Vadis në Vizion Plus të moderatores Pranvera Borakaj, Beqiri tha se aksioni në Theth është lokal, dëmton anën afatshkurtër të turizmit, por në atë afatgjatë fdo të ketë impakt pozitiv.
Pjesë nga biseda:
Borakaj: Si duket Shqipëria e 2025?
Beqiri: Sektori i turizmit ka disa probleme. Sa i përket situatës në Theth është një aksion lokal, që nuk e dëmton imazhin e Shqipërisë. Ky aksion dëmton anë afatshkurtër sezonin turistik në Theth, por në afatgjatë do të japë një impakt pozitiv. Sot turistët në Theth nuk e kanë mikëpritjen, pasi shohin fadroma. Turistët që nesër kanë rezervuar në Theth janë të pasigurtë që do shkojnë apo jo, edhe media e ka paraqitur shumë aksionin.
Borakaj: Media raporton.
Beqiri: Nuk e kisha në kontekstin negativ. Por kjo po shpërndahet.
Borakaj: Ato që janë shembur kishin turistë?
Beqiri: Nuk po prishen bujtina. Janë ndërtime të reja, të paktën me këto që më janë konfirmuar.
