Ish-rektori i Universitetit të Tiranës, Dhori Kule u paraqit paraditen e sotme në SPAK. Pasi qëndroi një orë në ambientet e Prokurorise Kule deklaroi se u thirr për rolin që ka pasur si anëtar i këshillit mbikëqyrës së Bankës së Shqipërisë për të dhënë sqarime lidhur me hetimet që po kryen për mikrokreditë.
“Ishim për një sqarim për ato problemet kur kemi qenë në këshillin mbikëqyrës të bankës. I sqaruam,”deklaroi ai për mediat.
Në maj të vitit të shkuar, hetimet hodhën dritë mbi një rrjet të gjerë mashtrimi ku pre kishin rënë me mijëra qytetarë. Ata i zhvatnin qytetarët duke iu imponuar marrjen e një kredie të dytë në mënyrë që të mos kishin mundësi të shlyenin të parën. Në këto kushte përmbaruesit iu merrnin pronat./vizionplus.tv
