Sekretari i Përgjithshëm i NATO-s, Jens Stoltenberg u shpreh në një konferencë shtypi në Bruksel se sulmet ruse ndaj Ukrainës janë të pajustifikuaRa dhe të paprovokuara.
“Ky është një pushtim i qëllimshëm, gjakftohtë dhe i planifikuar prej kohësh”, tha ai.
Ai shtoi se Rusia ka nisur sulme ajrore dhe raketore, ndërkohë që forcat tokësore dhe forcat speciale nga shumë drejtime po synojnë infrastrukturën ushtarake të Ukrainës dhe qendrat kryesore urbane.
Stoltenberg theksoi se liderët e Rusisë do të mbajnë përgjegjësi të plotë për veprimet e tyre të pamatura dhe jetët e humbura.
