Luis Enrike i masakruar deri pak ditë më parë nga mediat spanjolle për humbjen e rëndë 4 me 0 në ndeshjen e parë në France kundër PSG që e detyroi të deklaroje edhe dorëheqjen në fund të sezonit, ka kaluar ne ekstaze, pas përmbyse epike në “Camp Nou”.
Trajneri i katalanasve nuk e ka përmbajtur dot veten në festimin e golit të 6 të Serge Robertos i shënuar në sekondat e fundit të minutës së 5 shtesë që i dha edhe kalimin ne çerekfinale skuadrës së tij.
“Ishte një natë e pabesueshme, fituam një ndeshje thuajse të pamundur për tu realizuar në shifra të tilla, bëme diçka spektakolare dhe jemi të lumtur”, – deklaroi Enrike pas ndeshjes duke vijuar edhe me tej.
“Me një ekip të tillë të mbushur me kampione, për çdo trajner është me e lehte fitorja”,- deklaroi tekniku i Barcelonës, i cili ishte nga të paktët që besonte tek përmbysja aq sa pas ndeshjes së parë deklaronte.
“Nëse PSG pati forcën të na shënonte 4 gola, atëherë kjo tregon se ne, kemi shansin në fushën tone t’i bëjmë atyre 6”.
Profecia në fakt u përmbush, ndërsa magjistari i topit siç konsiderohet ndryshe Andres Iniesta deklaroi se në futboll askush nuk është i pamposhtur dhe çelësi i triumfit, sipas tij, ishte fakto që edhe pas golit të pësuar nga Kavani, skuadra besoi deri në fund se mund të shënonte 3 gola të tjerë.
Por ndërsa tek Barcelona festa nuk ka kufij, në krahun tjetër ka pllakosur zia. Nuk mjaftoi makthi i përjetuar ne fushën e lojës ne “Camp Nou”, por gjate kthimit në aeroportin e Parisit mëngjesin e së enjtes lojtaret e PSG dhe stafi u gjenden para nje grup ultrasish, te cilët lëshuan një lume sharjes drejt ekipit. Madje ka pasur edhe nje incident teksa nje tifoz kërkoi te bllokoje makinën e Tiago Motes, por ky i fundit ne tentative per tu larguar e ka lënduar tifozin ne shpatull, I cili përfundoi ne spital. Situata tek parisienët është vërtet e ndere dhe kjo u reflektua edhe ne reagimet e pakta per mediat teksa tekniku Emeri pavarësisht kritikave per gjyqtarin tha se eliminimi nuk kërkon asnjë alibi, ndërsa Verrati pranoi se disfata ishte një turp i madh per atë dhe klubin.
