Bojkot i punës është regjistruar këtë të mërkurë edhe në Gjykatën e Shkallës së Parë të Vlorës, ku sekretariati dhe administrata gjyqësore kanë ndërprerë punën.
Si pasojë, pritet të ketë kufizim të orareve të sporteleve për ofrimin e shërbimeve për qytetarët. Sipas burimeve, nga ora 15:45 deri në 16:00, shërbimi do të ofrohet vetëm për rastet urgjente.
Ndërkohë, gjatë ditës pritet të zhvillohen vetëm seancat gjyqësore për masat e sigurisë, ndërsa pjesa tjetër e aktivitetit gjyqësor do të jetë e kufizuar.
Në Gjykatën e Vlorës janë gjithsej 61 punonjës të administratës, pa përfshirë gjyqtarët.
