Ushtria e Izraelit ka bërë të ditur se ka interceptuar dy raketa balistike të lëshuara nga Irani, në atë që konsiderohet sulmi i parë i tillë që nga fillimi i muajit prill.
Sipas Forcave të Mbrojtjes së Izraelit (IDF), alarmet u aktivizuan në veri të vendit pas zbulimit të raketave në hyrje, ndërsa sistemet e mbrojtjes ajrore ndërhynë për t’i neutralizuar ato. Pak më vonë, ushtria izraelite paralajmëroi edhe për valë të tjera sulmesh të mundshme drejt territorit izraelit.
Lexo edhe :
Related Posts
Burime izraelite kanë bërë të ditur se kryeministri Benjamin Netanyahu ka zhvilluar konsultime urgjente me strukturat e sigurisë pas incidentit.
Tensionet mes Izraelit dhe Iranit janë përshkallëzuar ditët e fundit. Javën e kaluar, Teherani paralajmëroi se do t’i përgjigjej drejtpërdrejt çdo sulmi izraelit ndaj Beirut. Më herët gjatë së dielës, Izraeli kreu sulme në kryeqytetin libanez, duke deklaruar se ato erdhën si reagim ndaj zjarrit të hapur nga grupi Hezbollah drejt veriut të Izraelit.
Ndërkohë, zyrtarë iranianë kanë paralajmëruar se sulmet ndaj zonave të lidhura me Hezbollahun në Beirut do të marrin një “përgjigje të vendosur dhe të dhimbshme”, duke shtuar frikën për një përshkallëzim të mëtejshëm të konfliktit në rajon.
