Pak kush e di që në bashkinë e Pustecit prej kohësh zhvillohet një aktivitet lokal, që njihet me emrin Festivali i Dimrit. Kjo është një festë e cila është kthyer në traditë dhe ka si qëllim nxjerrjen në pah jo vetëm te vlerave natyrore dhe kulturore të zonës, por dhe të kulinarisë.
Aktiviteti mbledh së bashku prodhuesit e verave të cilët sjellin produktet e tyre për tu parë nga afër. Për ministrin Blendi Klosi festa të tilla duhen të shndërrohen në kulme të turizmit shqiptar.
Festivali i Dimrit në Pustec përkoi edhe me ditën Ndërkombëtare të Ligatinave duke u zhvilluar nën moton le të shijojmë frutat e verës në dimër.
Pjesëmarrësit e kësaj feste kanë shijuar edhe produktet lokale ushqimore e pijet dhe servirura nga amvisat e zonës.
