Janë zbardhur emrat e e 12 anëtarëve të bandës dhe ka shpallur në kërkim 3 të tjerë, të cilët janë arrestuar këtë të enjte nga operacioni i koduar “Maranaj”.
Sipas policisë, personat e arrestuar akuzohen se jepnin para me fajde dhe nëse personat nuk paguanin, ata u merrnin prona apo makina.
Mes të arrestuarve është ish-kancelari i Gjykatës së Shkodrës Artan Dragani. Pjesë e listës së të arrestuar janë shtetasit; Byrhan Alija, 61 vjeç, Edi Memçaj, 33 vjeç, Adri Bala 22 vjeç, nga Shkodra; Artan Dragani 39 vjeç, Marjan Bregu 31 vjeç, Eduard Fusha, 38 vjeç, Elidon Qerimaj, 41 vjeç, Pashko Vuksanlekaj, 54 vjeç, Lul Sylja, 48 vjeç dhe Ilir Sokoli të gjithë nga Shkodra, dhe Vinko Nikprelaj 37 vjeç lindur në Podgoric, dhe Naim Ahmetaj, 52 vjeç lindur në Pukë dhe banues në Tiranë.
Gjithashtu në sajë të këtij operacioni është sekuestruar 238 600 Euro CASH, 272 400 dollare CASH, 414 000 Lekë, 510 Paund Britanik, 20 automejte transporti, 1 revolver, krëhër pistolete me fishekë, 1 armë gjahu pa leje, 5 kompjutera laptop dhe 50 celularë.
Ndaj të arrestuarve rëndojnë katër akuza: ushtrim pa licencë i veprimtarisë bankare, pastrim parash, shpërdorim detyre dhe moskallëzim krimi.
