Një apartament është përfshirë nga flakët këtë të hënë në zonën e Shkëmbit të Kavajsës.
Menjëherë pas marrjes s ë njoftimit forcat zjarrfikëse kanë shkuar në vendngjarje duke vënë situatën nën kontroll.
Raportohet se si pasojë e tymit, 6 persona janë transportuar në spital për ndihmë mjekësore.
Njoftimi:
Rreth orës 20:30, në katin e 9-të të një pallati, në zonën e Shkëmbit të Kavajës, ka rënë zjarr në një apartament në pronësi të shtetasit E. Sh.
Menjëherë pas marrjes së njoftimit, në vendngjarje kanë shkuar shërbimet e Policisë dhe të MZSH-së.
Zjarri është shuar dhe situata është vënë nën kontroll.
Sipas të dhënave paraprake, 6 shtetas janë transportuar në spital për të marrë ndihmë mjekësore, pasi kanë shfaqur vështirësi në frymëmarrje si pasojë e tymit. Ata janë jashtë rrezikut për jetën.
Grupi hetimor vijon punën për sqarimin e plotë të rrethanave dhe përcaktimin e shkakut të rënies së zjarrit.
