Qeveria në Kosovë është përgjegjësja e vetme për ngecjen e procesit të vizave. Deklarata është bërë nga kreu i AAK-së Ramush Haradinaj gjatë një bashkëbisedimi me qytetarët në Prishtinë. Haradinaj vuri theksin tek dështimi i marrëveshjes për kufirin dhe mungesa e vizionit për Trepçën. Kreu i AAK-së nënvizoi se Mustafa e tërhoqi nga kuvendi draftin për demarkacionin, pasi kuptoi se ai nuk do të votohej, sepse edhe deputetë brenda koalicionit do të shprehnin vullnetin e tyre kundër. Çështja e kufirit me Malin e Zi është një nga kushtet e unionit për liberalizimin e vizave me Kosovën.
