Milani ka marrë një fitore të çmendur kundër Parmës mesditën e sotme në “San Siro”, ku shënoi dy herë pas minutës së 90-të.
Megjithatë fitorja nuk ka sjellë vetëm gëzim por edhe një përplasje të fortë mes mbrojtësit Davide Kalabria dhe trajnerit Serxho Konseisao.
Mesa duket pas pësimit të golit të dytë nga ana e Milanit, një reagim i Kalabrias i cili vetëm pak minuta më parë ishte zëvendësuar, nuk i ka pëlqyer apsak trajnerit portugez, i cili gjithë inatin e ka nxjerrë menjëherë pas fishkëllimës së arbitrit.
Here is the video of Conceicao and Calabria arguing with each other pic.twitter.com/tu7PwCsJoB
— WGM 👑 (@WhatGattusoMad) January 26, 2025
Ndërsa të gjithë festonin, Konseisao nxitoi drejt Kalabrias dhe siç duket edhe në video pati një debat të ashpër mes tyre, dhe vetëm falë ndërhyrjes së pjesës tjetër të ekipit u shmang një përlasje e mundshme fizike.
Megjithatë aps ndeshjes Konseisao ka thënë se gjithçka ëhstë sqaruar, ndërsa shtoi se ai është shumë emotiv kur skuadra luan.
“Unë i shoh ndeshjet dhe i përjetoj me shumë pasion. Kisha pak adrenalinë më shumë. Ishte një situatë loje për të cilën kam folur me Kalabrian dhe kishte ndonjë fjalë të tepërt që u tha sipas meje. Për mua të gjithë lojtarët janë të rëndësishëm, si një familje. Nëse unë kam një fëmijë që sillet keq, ia them. Dhe këtu është e njëjta gjë, nuk ka hipokrizi, i themi gjërat si burra. Është e vërtetë, nuk ishte situatë e bukur, por në futboll ndodh, nuk jemi në kishë. U sqaruam”, tha Konseisao para gazetarëve në konferencën për mediat rreth zënkës me futbollistin e tij.
Ndëkrohë portugezi ka shpjeguar edhe arsyet e zëvendeëssimit të Leaos dhe Teos të cilët i nxorri menjëherë aps përfundimit të pjesë së parë.
“Mua më paguajnë për të bërë zgjedhje në mënyrën time. Çfarë mund të bëj për të përmirësuar ndeshjen? Mund të ndodhë një ditë më pak e mirë për Teo dhe Leao. Për mua emrat nuk janë të rëndësishëm. Mendoja se kishte nevojë për diçka ndryshe, Teo dhe Leao janë shumë të rëndësishëm dhe do të jenë përsëri. Do të luajnë në Zagreb, ndaj nuk ka asgjë të rëndësishme në këtë aspekt”, tha ai.
