Këtë të shtunë qytetarët u mblodhën për të 28-ën ditë me radhë para kryemisnitrisë, duke kërkuar sërish dorëheqjen e kreut të qeverisë, Edi Rama..
Përvec pankartave që nuk munguan sic do ditë tjetër, Protestuesit kësaj radhe ironizuan kryeministrin Edi Rama përmes ministres me Inteligjencë Artificiale. Diella u shfaq në muret e Kryeministrisë duke thënë “për shkak të skandalit të Zvërnecit, deklaroj dorëheqjen time nga qeveria shqiptare. Radha juaj kryeministër”.
E pranishme në protestë ishte edhe eurodeputetja italiane, Ilaria Salis. Gjatë fjalës së saj theksoi se Europa nuk është në Bruksel, sipas saj Europa është në Tiranë.
Protesta nisi fillimisht si një kërkesë për anulimin e investimit në Zvërnec, por përgjatë këtyre 4 javëve, protestuesit artikuluan edhe kërkesë të tjera ku e para dhe kryesorja sipas tyre mbetet Dorëheqjen e kryeministrit Edi Rama, kijimin e një qeverie teknike tranzitore për jo më pak se 12 muaj. Kufizimi i ushtrimit të detyrës së kryeministrit në jo më shumë se dy mandate.
E po ashtu anulimin e ndryshimeve në ligjin për zonat e mbrojtura, shfuqizimin e “Paktit të Maleve” dhe statusi I investitorit strategjik.
Sipas protestuesve këto përbëjnë “kontratën e re sociale” mes qytetarëve dhe shtetit, duke nënvizuar se kjo lëvizje e tyre do të vijojë deri në përmbushjen e kërkesave.
