Genci Tila, babai i 4-vjeçarit shqiptar, Aroni, që humbi jetën tragjikisht në Torino të Italisë, kërkon drejtësi për fëmijën e tij.
I mituri vdiq pasi u shemb ndërtesa ku ai bashkë me familjen jetonte për shkak të një shpërthimi gazi.
40-vjeçari shqiptar Genci Tila rrëfeu për mediat fqinje se kishin shkuar në Torino për një jetë më të mirë.
“Ne duam drejtësi. Ne kishin ardhur në Torino për të filluar një jetë të re dhe sot kishim një takim për të gjetur një shtëpi tjetër sepse në atë vend asgjë nuk funksiononte si duhet. Në mëngjes mund të nuhasje erën e gazit.”
Nga shembja e ndërtesës u plagos edhe nëna e Aronit, e cila ndodhet në spital, si edhe dy persona të tjerë.
