Edhe pse janë shoqëruar të paktën 20 persona për vrasjen mafioze të 23-vjeçarit nga Vlora, ende nuk ka asnjë urdhër ndalimi apo autor trë dyshuar për ngjarjen.
Policia e Vlorës vijon kontrollet e imtësishme në banesa ku dyshon se fshihen eksponentë me rrezikshmëri kriminale. Ditën e sotme, ata kanë ndaluar edhe automjete në hyrje të Vlorës dhe kanë zhviulluar kontrolle të imtësishsme.
Lexo edhe :
Related Posts
Shoferi dhe pasagjeri janë zbritur nga makina dhe shihen teksa i ushtrohen kontrollit nga uniformat blu.
Sakaq, Vlora është blinduar pasi Sokol sinomati, i ati i viktimës Gëzim Sinomati ka marrë leje në burg dhe do të jetë i pranishëm në ceremoninë mortore të të birit.
Si ndodhi krimi që tronditi Vlorën
Gëzim Sinomati, i pagëzuar me emrin e xhaxhait të tij, vrarë në 1997, gjatë një përplasje bandash, po qëndronte në ballkon, pranë Poliklinikës së Vlorës, kur e qelluan me plumb në kokë.
Ekzekutimi besohet u bë me snajper. Disa minuta më vonë, policia gjeti një makinë tip “BMW” duke u djegur në lagjen “24 maji” e cila besohet se i përket autorëve. Policia po heton dy pista. Mendohet se ekzekutimi të jetë bërë nga makina tip “BMW” e cila ishte e parkuar poshtë pallatit ose nga ndonjë objekt përballë.
Në zonë, në lagjen “Hajro Çakerri” atë kohë rreth orës 22:00, (7 janar 2024) energjia mungoi dhe për 10 minuta ishte errësirë e plotë.
Duket se kjo gjë e nxori në ballkon për të pirë cigare 22 vjeçarin që u vra. Nuk dihet nëse, ikja e dritave ka qenë e qellimshme, apo rastësi. Dyshohet për tre autorë, njeri ekzekutuesi, kurse makina rezultoi me targa të dubluara në fushë-Krujë.
22 vjeçari kishte ardhur nga Belgjika për të festuar Vitin e Ri më nënën e divorcuar. Edhe pse kanë kalaur dy ditë nga ngjarja policia nuk ka asnjë gjurmë nga autorët të cilët përfituar nga errësira dhe u larguan. As arma e krimit dhe nuk është gjetur dhe gjithashtu mungojnë edhe gëzhojat në vendin e krimit./vizionplus.tv
