Mjekët Dritan Ulqinaku dhe Taulant Muka ndajnë pikëpamje të ndryshme kur bëhet fjalë për vaksinimin e të rinjve dhe studentëve dhe diçka të tillë e treguan gjatë debatit në studion e “Quo Vadis” në “Vizion Plus”.
Muka deklaroi se për studentët dhe të rinjtë nuk duhet bërë vaksina e detyruar, ndërsa bëri një krahasim të Shqipërisë me Zvicrën. Ai kërkoi nga ekspertët shqiptarë që të mos marrin vendime duke parë se çfarë bëjnë të tjerët, por të analizojnë situatën në vend.
Pjesë nga debati në studio:
Dritan Ulqinaku: Pse shikoni vetëm qeverinë që ka dështuar? Nëse kemi dështuar, kemi dështuar të gjithë. Kush bën vaksinën, mund të vdesë më shpejt se të tjerë thuhet. Fakti që ne nuk kemi shiftrat e Zvircës, kemi dështuar të gjithë.
Taulant Muka: Mua më bën të nevrikosem fakti që aty nuk ka asnjë reflektim. Ecim symbyllur, u vunë maskat, u tregua që nuk funksionojnë. Mbyllëm spitalet, ecim symbyllur, hajde të bëjmë edhe ne këtë masë si gjithë të tjerët.
Dritan Ulqinaku: Pse ne ecim symbyllur dhe Izraeli e Zvicra eckërkan syhapur. Hajde krahasojmë shifrat.
Taulant Muka: Shqipëria ka 10 mijë ndërrim jete shtesë, krahasuar me vitin e kaluar dhe do të thotë se kanë ardhur nga COVID. Vaksina nuk është e nevojshme për të gjithë.
Dritan Ulqinaku: Unë thash vaksinë për ata që nuk e kanë kaluar.
