Një 33-vjeçar është arrestuar nga Policia e Tiranës, pasi kundërshtoi dhe goditi me automjetin e tij punonjësin e Policisë Rrugore.
Në pranga përfundoi shtetasi me iniciale A.LL., i cili u ndalua nga patrulla e policisë së qarkullimit sepse lëvizte pa rrip sigurimi. Gjatë komunikimit të masës administrative për shkeljen e kryer, 33-vjeçari ka kundërshtuar me dhunë punonjësin dhe në tentative për t’u ndaluar ka goditur me makinë efektivin. Ky i fundit është lënduar në këmbë.
Në cilësinë e provës materiale u sekuestrua automjet që drejtohej nga agresori.
Materialet do t’i kalojnë prokurorisë, për veprat penale “Kundërshtimi i punonjësit të policisë së rendit publik dhe “Vrasja me dashje, e mbetur në tentativë”.